Cu hopi tristeza mi a ricibi e noticia tristo cu nos amigo Don Juan Perez, un baluarte di baseball di Aruba, a drenta ekipo Eternidad di shelo.
Don Juan tabata un colaborado di mi buki Historia di Baseball di Aruba y mayoria di e obituario aki lo consisti di datonan di e buki ey.
Don Juan tabatin un amor enorme pa baseball y un pasion insaciabel pa hunge. Na 1945 (na edad di apenas 14 aña) Don Juan a debuta den e ekipo Dodgers di San Nicolas pero ela sigui hunga pa St Thomas Boys di Playa. Ta Don Juan a defini e epoca di 1945 pa 1960 den baseball di San Nicolas. Cu Don Juan como su capitan, Dodgers a gana hopi campeonato di Aruba.
E club SITHOC di Corsow varios biaha a laga busca Don Juan pa reforsa nan ekipo den weganan di campeonato aya.
Den tur encuesta pa determina e miho hungadonan di baseball na San Nicolas, e nomber Don Juan Perez tabata un di e promenan menciona.
Nos ta manda nos condolencia profundo na famia di Duan Juan Perez. y nos ta deseanan hopi forsa den e proximo dianan dificil
