Noord, Aruba – 27di januari 2025 – Lead by Design Foundation ta contento pa anuncia e lansamento di Change Makers Noord, un programa di emprendemento social transformativo diseña pa empodera hubentud di Noord pa crea un impacto duradero den nan comunidad. E programa ta invita hobennan cu tin ideanan innovativo pa uni na un movecion dedica na moldea un futuro mas briyante pa Noord.
Lo tene un anochi di informacion pa duna mas detaye encuanto e programa aki.
- Fecha: 27 di januari 2025
- Ora: 6:00 PM
- Localidad: Centro di Bario Noord
E evento ta habri pa residentenan di Noord entre 16 te cu 24 aña cu tin pasion pa mehora nan bario y cu tin un idea creativo cu por benefisia e comunidad.
Durante e anochi di informacion, e participantenan lo siña encuanto e programa, lo por topa cu otro hoben cu mesun pasion y lo por descubri con nan ideanan por yega na un proyecto concreto creando un diferencia significativo.
Criterio pa por Participa:
- Mester ta un residente di Noord
- Edad: gruponan di 16-20 i di 21-24 aña
- Ta desea di participa den grupo i wordo guia pa bin cu ideanan nobo cu lo impacta positivamente e comunidad.
“Change Makers Noord” ta mas cu un programa—e ta un yamada pa e hobenanan.Nos ta kere cu e hubentud di Noord tin e poder pa crea cambio significante y cu e programa aki por guia y yuda e hobennan den e trayecto. No perde e oportunidad aki pa bira parti di un movecion cu ta inspira accion, stimula innovacion, y fortalece e comunidad.
Pa mas informacion, por tuma contacto cu Lead by Design Foundation via whatsapp na 7330377.
Tokante Lead by Design
Lead by Design Foundation ta dedica pa promove liderazgo creativo como tambe empodera e comunidad atravez di programanan y inisiativanan innovativo, door di ekipa individuo cu e hermentnan y oportunidadnan pa lidera cu proposito. Lead by Design ta moldea un futuro funda riba colaboracion, vision y impacto.
