E prome St. Regis Resort riba e isla ta introduci un elegancia incomparabel, gastronomia di clase mundial y servicio exclusivo den Caribe
Palm Beach, Aruba (22 di januari 2025) – St. Regis Hotels & Resorts orguyosamente ta anuncia e apertura di The St. Regis Aruba Resort, un oasis dilanti lama diseña pa Hirsch Bender Associates. Como parti di e portafolio distingui di luho di Marriott International, e resort ta personifica e herencia rico y e ritualnan exclusivo di e marca, ofreciendo un vakantie unico riba e costa mas gusta di Aruba. E resort aki ta eleva e escena hotelero di e isla cu su elegancia refina, incluyendo e prome casino St. Regis y un restaurant riba e rooftop dirigi pa e famoso Chef Akira Back.
Den un fusion di e cultura local Hulandes-Caribense cu e tradicion iconico di e marca St. Regis, e resort ta inspira den e beachnan di santo blanco, e rikesa cultural y e formacionnan di piedra riba e isla. Huespednan ta invita pa experimenta e arkitectura colonial y e areanan colorido inspira den e cayanan di Aruba, guiando nan na e miho adres riba e isla. E resort, recien construi, ta conta cu 252 camber luhoso, incluyendo 52 suite diseña pa satisface e necesidad di e huespednan.
“Aruba ta un di e islanan mas destaca den Caribe, y nos ta orguyoso di presenta The St. Regis Aruba Resort riba e beach precioso di Palm Beach, expandiendo ainda mas nos portafolio global di hotel y resorts legendario,” a comenta George Fleck, Vice Presidente Senior y Lider Global di Marca di St. Regis Hotels & Resorts. “Mientras nos ta sigui celebra 120 aña di elegancia clasico, nos ta sigui enfoca den e crecemento di nos portafolio di resorts, consolidando St. Regis como e simbolo definitivo di destino di luho y experiencianan unico.”
E resort ta ofrece e huespednan seis experiencia culinario exclusivo cu ta celebra e sabornan exotico di e herencia multicultural di Aruba y mustrando e fusion culinario vibrante di e isla. E luganan aki ta presenta platonan innovativo y emblematico di e escena gastronomico. Den e curason di e propuestanan gastronomico ta e restaurant na e rooftop, Akira Back, dirigi pa e famoso chef cu un strea Michelin, caminda e huespednan por disfruta di creacionnan Hapones y Koreano mientras ta contempla un bista impresionante: un mescla harmonioso di smaak excepcional y paisahe fabuloso.
E otro experiencianan gastronomico ta inclui Eskama, un restaurant mediteraneo dilanti di beach, y Nuba, un restaurant inspira den Aruba ubica banda di e piscina y beach. Ademas, e resort ta conta cu dos bar, The St. Regis Bar den lobby y Ventura den casino, ademas di un luga di koffie yama Grano Café.
Manera ta un tradicion na tur propiedad di St. Regis, The St. Regis Aruba Resort ta conta cu su mesun version di un Bloody Mary, yama Bon Bini Mary, cu e huespednan lo por saboria den The St. Regis Bar. E Bon Bini Mary, inspira den e hospitalidad di e isla, ta combina papaya, lima y pica habanero cu tokenan aromatico, creando un cocktail unico di Aruba.
E resort ta ofrece un variedad di facilidad di clase mundial diseña pa relahacion y pa disfruta. Huespednan por relaha den tres piscina exkisito cu cabana priva, keda activo den un gym moderno of rehubenece na The St. Regis Spa. Ubica den e escenario trankil di e beachnan virgen di Aruba y su awanan blauw cla, e spa ta ofrece tratamento inspira den e beyesa natural di e isla. Huespednan mas hoben ta bon bini na e club Infantil, caminda e experiencianan cultural y educativo lo duna bida na e patrimonio rico di Aruba.
“Aruba ta, pa hopi tempo, un paraiso pa biahero cu ta busca vakantie excepcional y e spirito pionero y e tradicionnan legendario di St. Regis ta e combinacion perfecto pa e destino extraordinario aki,” asina a expresa Brian King, Presidente di Marriott International pa Caribe y Latino America (CALA).
Rondona pa un ambiente impresionante, The St. Regis Aruba Resort ta un paraiso exkisito, ideal pa carga e eventonan mas iconico. Su 20,000 pia cuadra di espacio elegante, tanto interior como exterior, hunto cu un servicio excepcional, ta perfecto pa cualkier ocasion, for di reunionnan ehecutivo te na celebracionnan di gran escala. E Astor Ballroom, caminda e gracia y naturalesa ta bini hunto, ta e luga ideal pa cada ocasion.
Cu e apertura di The St. Regis Aruba Resort, e marca ta presenta su famoso luho y servicio exclusivo na e costa impresionante di Palm Beach. “Un hotel St. Regis ta e cas maximo di celebracion, for di e ceremonia diario di champaña, te na e ritual di afternoon tea, nos ta entusiasma di trece e momentonan aki na e Aruba,” asina Oliver Reschreiter, Gerente General di The St. Regis Aruba Resort a indica. “Huespednan por biba e cultura vibrante di e isla, disfruta di un gastronomia exkisito y experimenta e servicio legendario di St. Regis. Nos ta sigur cu The St. Regis Aruba lo converti den un berdadero icono di e hospitalidad di luho den Caribe.”
Pa mas informacion of reservacion, bishita: stregisarubaresort.com.
