66
Willemstad, Korsou
Djamars 21 di yanüari 2025 alrededor di 02.24’or di mardugá, Sentral di Polis a risibí
informashon di un kaso di tiramentu ku a tuma lugá na un kas den Makreelstraat.
Na yegada di e unidat polisial na e adrès, el a topa ku un hòmber ku no tabata duna señal
di bida.
For di investigashon preliminar a sali na kla ku e hòmber aki tabata sintá den balkon di kas,
na momentu ku un persona a pasa lòs algun tiru dirigí riba dje.
E tiru a alkansá e hòmber na e parti ariba di su kurpa.
Despues e sospechoso a hui for di e sitio.
Personal di ambulans a yega rápido na e sitio pero no por a hasi nada mas pa e víktima.
Riba òrdu di fiskal di Ministerio Públiko a konfiská e kurpa pa mas investigashon.
Investigashon den e kaso aki ta kontinuá.
