Oranjestad, 16 di januari 2025 – Durante un encuentro masha agradabel y yena energia positivo, e prestigioso emisora local Magic 96.5 FM a haci entrega di e reconocementonan cu a otorga na e talentonan mas destaca den comunidad di Aruba den transcurso di 2024.
E evento a tuma luga den e lounge elegante di The Ritz Carlton, marcando un momento importante den e historia di e stacion, cu orguyosamente ta conta cu mas di 25 aña di trayectorio exitoso como un medio dinamico, progresivo y innovador.
E ganadonan a keda selecciona despues di un proceso cuidadoso di deliberacion di parti di e gerencia y staff di e emisora, kendenan a analisa e impacto y dedicacion di cada figura nomina den su respectivo area.
Magic 96.5 FM ta confia cu e reconocemento aki, no solamente ta motiva esunnan honra pa sigui supera nan mes, pero cu tambe lo inspira otronan pa alcansa metanan nobo y kisas converti den e proximo cu e stacion lo honra na fin di 2025.
Esunnan cu a ricibi nan reconocemento ta:
- Personahe Femenino di Aña: Gerlien Croes
- Personahe Masculino di Aña: Wendrick Cicilia
- Banda di Aña: Tsunami
- Artista Femenino di Aña: Loutiza Raven
- Artista Masculino di Aña: Jeon
- Productor di Aña: Steve Andreas
- Cancion di Aña: “Caya ta papia”
- Artista Femenino Nobo di Aña: Eli Demillion
- Artista Masculino Nobo: Jay Ralph
- Campaña di Aña: “The Car @ The Casino”
- MC di Aña: Addonsito Croes
- Cancion Mas Impactante di Aña: “Diferente” de Freddy Rasta
E evento a destaca e compromiso di Magic 96.5 FM cu e promocion y reconocemento di talento local, reafirmando su papel como un pilar den e industria di entretenimento di Aruba.
“Nos ta spera cu e premionan aki no ta celebra djis e exito di algun, pero cu tambe ta sirbi como un fuente di inspiracion pa henter nos comunidad artistico y cultural,” asina Erin Croes, director di e emisora a expresa na e evento di entrega.
Pa mas informacion, sintonisa Magic 96.5 FM y uni na e combersacion riba nos rednan social. Ban sigui celebra hunto e talento di nos isla!
