“Tenemos una genda de liberación. está pendiente la liberación.de Puerto Rico y la lograremos con las tropas de Brasil”:
MADURO
Gobernador di Puerto Rico, Jenniffer González, a responde na e menasa di Maduro di un incursion(atake) na Puerto Rico cu proposito descolonizador.
“Si nan tin un agenda di Colonisacion nos tin un agenda di liberashon cu Simon Bolivar a skirbi nos… ta pendiente liberashon di Puerto Rico y nos lo logra esaki cu tropa di Brasil; tropa Abreu di Lima lo bai dilanti pa liberá Puerto Rico”, Maduro a bisa den un discurso publico den cual e la denuncia interferencia di Merca den asuntonan interno di Venezuela.
For di Puerto Rico, González a menciona cu “un di e dictadornan aki (referiendo na Maduro) ta papia di invadi Puerto Rico, pero e pueblo aki a papia di un manera contundente y di un manera liber escogiendo su gobierno cu su representantenan di tur partido”.
E la menciona cu na Puerto Rico “no ta aresta esun cu ta pensa diferente ni tuma accion contra derechonan di propiedad”.
Pero tambe e gobernador a manda un comunicado na e presidente electo di Merca, Donald Trump, pidiendo pa e actua frente e menasanan aki.
Den su account ariba X e la publica e comunicado cu e siguiente texto:
E dictador venezolano Nicolás Maduro a haci un yamada pa invadi Puerto Rico, cu ta un menasa habri pa Merca y nos siguridad nacional. E la manda un carta na presidente Donald Trump confiando cu su kabinete lo responde rapidamente y lo haci duidelijk na e narcoregimen di Maduro cu Merca lo proteha bida y soberania mericano y no lo dobla su mes dilanti matonnan, bandidonan y asesinonan”.
