Un total di 18 banda a inscribi pa Aruba Caiso & Soca Monarch 2025. ACSM2025 Prefinals lo tuma lugar riba diamars 14 di januari, diaranson 15 di januari y diahuebs 16 di januari na Centro di Bario Brazil.
Stichting Musica ta sumamente satisfecho cu e cantidad di banda y artista cu a inscribi y ta anticipa cu un variacion grandi di produccion den genero di Soca lo wordo presenta. E Prefinals lo conta cu participacion di ambos veterano y “rookies”. E organisacion ta gradici e bandanan cu tey tur aña pa sostene y participa na e festival. Tambe, ta yama bonbini na artistanan nobo y esnan cu tin algun tempo sin participa na e festival. Cada banda y artista tin nan
mesun zjeito y sonido, y netamente esaki ta loke ta haci e festival aki na Aruba asina dushi; na final di dia lo tin un ritmo y estilo di Soca pa cada ken su gusto, sea si esaki ta trece nostalgia cu un carisma di e “Roadmarch” di algun decada atras of ta energetico y cu un sonido cu inspiracion internacional. Den palabra di e presidente di Stichting Musica, sra. Edwina Werleman: “May the best one win!”
Durante un anochi masha placentero na TRYP by Wyndham, e Band Leaders y artistanan presente a disfruta di un Soca Tryp cocktail y a trek lot, cu e siguiente resultado:
PREFINALS DAY 1 – TUESDAY, JANUARY 14
#1 – THE GANG
#2 – SHINE MUSIC
#3 – DLS
#4 – SUONA
#5 – OREO
#6 – IMPAK 4PLAY
PREFINALS DAY 2 – WEDNESDAY, JANUARY 15
#1 – PHENOMENON
#2 – GOOD TIMES
#3 – BULERIA
#4 – AZUCAR
#5 – ‘N FUZION
#6 – DURO
PREFINALS DAY 3 – THURSDAY, JANUARY 16
#1 – YX3M
#2 – HOT ONES BAND
#3 – GROOVE MASTERS
#4 – D’ISLANDERZ
#5 – TSUNAMI
#6 – ZETA BAND
E entrada pa e ACSM2025 Prefinals ta costa Afl. 15,- pa cada anochi y ta obtenibel via Pay.AW y tambe na porta di Centro di Bario Brazil riba tur tres anochi. Kaarchi pa e anochi final ta costa Afl. 35,- y ta posibel pa cumpra un pakete cu tur tres anochi di Prefinals y e anochi Final pa solamente Afl. 60,-.
Stichting Musica ta gradici SETAR NV pa su aporte y tambe Aruba Tourism Authority, Aruba Airport Authority, Chill y Elite Productions & Entertainment pa nan sosten. Henter pueblo di Aruba ta invita pa atende e Prefinals otro siman na Centro di Bario Brazil pa asina cuminsa los e cintura y e heupnan mientras ta disfruta di nos talentonan musical.
