Dos persona a ser haya morto den e parti di e wiel di un avion di #JetBlue for di New York city, despues cu e la baha na Fort Lauderdale-Hollywood International Airport, e aerolinea mes a informa.
E curpanan a keda descubri durante un inspeccion di mantencion despues di vuelo. Nan identidad no ta conoci, e aerolinea a bisa, y “e circumstancianan rond di con nan a yega na e avion ta keda bou investigacion”.
JetBlue a bisa cu e avion a opera recientemente vuelo 1801 for di Aeropuerto Internacional John F. Kennedy, na New York. E vuelo a aterisa na Fort Lauderdale 11:10 p.m, segun e website di vuelo #FlightAware.
E descubrimento ta tuma luga dos siman despues cu a haña un curpa den e compartimento di wiel di un vuelo di United Airlines for di Chicago pa Maui.