Noord: Un rato pasa Jeandrick Croes a wordo laga den libertad y ta back na cas cu su famia.
Jeandrick Croes, yiu di ex Minister Endy Croes, diabierna ultimo den oranan di atardi despues di a dal e periodista Speed Andrade, un mokete, a sali bay entrega su mes na warda di polis, na Shaba. Aki e la keda deteni pa mas investigacion.
E motibo tras di e mokete aki ta pasobra su persona a cansa cu tur dia nan mester soporta hopi bullying, agression verbal durante cu e periodista aki ta duna noticia merdia y riba nan medionan social, den cual henter nan famia, te hasta nan defunto wela y welo ta wordo molestia constantemente pa añanan largo. Na dado momento e la bira di mas y esaki tabata e consecuencia. Durante weekend henter Aruba por a mira un video cu un familiar a graba den warda di polis na Shaba caminda e tabata expresa su mes na e periodista personalmente, haciendo e varios pregunta con e lo ta sinti y si e ta haya leuk tur loke e lo ta haciendo na su famia.
Riba medionan social por a mira un grupo cu tabata di acuerdo cu e periodista y tabata suport e, pero di otro banda por a mira tambe un grupo relativamente grandi cu a sosotene Jeandrick y famia di Endy Croes henter weekend.
Despues cu lo a termina cu e investigacionnan necesario, a duna ordo pa laga e hoben Jeandrick Croes den libertad, esaki a sosode dialuna den oranan laat di atardi. E famia a reuni y ta contento cu nan yiu ta back na cas.