Solito – Diahuebs anochi polis a bay ariba e caminda di Solito unda e t-kruising ta pa un accidente di auto basta serio.
Tawata algo prome cu 11’or di anochi cu unidadnan policial a bay cu urgencia panort di e bar restaurant Four Seas, pa un auto cu a bolter.
Na yega polis ta pidi asistencia di brandweer y ambulance, debi cu lo tin un persona den un di e autonan cu lo no por sali.
Despues di e polisnan a presenta e demas unidadnan di rescate cu ta esnan cu tin e tarea di libera e persona “pega” den e Chevrolet cu a bay cay den un greppel.
E auto ariba su dak lo tawata un Hyundai.
Paramediconan cu a yega na e sitio a tuma e chauffeur di e Chevrolet over for di e Bomberonan y por a wak e ariba e brancard direccion e ambulance.
Polis y compania di seguro a cuminsa cu nan parti di compila datos di locual a sosode.
