Avenida Nelson O.Oduber – Diadomingo marduga algo pasa di 12’or y mey, ambulance y polis a bay ariba Avenida Nelson O.Oduber poco mas pazuid di ex House of Cheng, pa un auto cu a bolter.
Na prome instante a papia cu lo tin hende den e auto pega, y pa e motibo ey a manda materiaalwagen tambe.
Unidadnan di rescate a bin topa cu un Hyundai Creta, y por a mira cu e bolter algun un of biaha terminda ariba e banda robes.
Mesora bomberonan cu a yega a bay na e auto, pa cuminsa saca e chauffeur. Pero, no a haya esaki. A cuminsa un busca den e yerbanan rond pero sin resultado.
Hopi cos cu tawata den e auto a spart tur caminda rond. Bomberonan a logra yega na e documentonan pa mira di ken e auto ta. Tambe por a nota cu a haya un cellular.
Pa un of otro motibo e chauffeur a bandona e sitio masha lihe mes. Ambulance cu a yega a gewoon sigui su caminda.
E manera cu e auto a keda kibra, lo ta un milager cu e chauffeur no a ricibi ni un rasca.
Polis tin e documentonan y lo sa unda e doño ta biba.
