Ramon Rudolfo Croes(66) identifica como e di 11 morto den trafico

Oranjestad-Aruba
Famia a identifica e defunto cu ta un hende homber yama Ramon Rudolfo CROES, naci na Aruba ariba 28 juni 1958 di 66 aña di edad.
Lamentabelmente ela bira e di 11 morto den un trafico fatal y dor di un chauffeur cu a Hit and Run.
Nos ta haci un apelacion na e chauffeur di Hit and Run pa presenta na un di e warda di polis.
E investigacion ta den pleno desaroyo bou guia di e specialistanan di trafico. Bo a mira algo of sa algo por tuma contacto cu Polis di Trafico na number: 597-5194 of 597-5191.
Bo a mira kico a pasa bo por keda anonimo y duna bo informacion ariba nos tipline 11141, nos ta garantisa bo ta keda anonimo. Cuerpo Policial Aruba ta manda un palabra di condolencia y forsa na e famia di e fayecido den e momento dificilnan aki.