WILLEMSTAD – Di 2 pa 4 di december 2024, e Ministerio di Asuntonan Interior y Relacionnan den Reino ta organisa e LHBTQI+ Allies Conference na Corsou. E conferencia, cu tin como meta pa traha pa futuro mas inclusivo, ta trece un grupo di hende diverso hunto, manera entre otro activista, trahadonan di maneho, investigadonan, artista y lidernan di comunidad. Na nan manera tur hende por contribui na mehoracion di igualdad y diversidad.
Durante tres dia lo presta atencion na e retonan cu e comunidad ta enfrenta y na mes momento lo celebra exito; tur cos cu e meta pa ofrece un plataforma pa dialogo, inspiracion y colaboracion rondo di inclucion y diversidad.
Mas di 20 orador inspirativo lo presenta durante e dianan aki, entre nan activista y empresario Janice Tjon Sien Kie; presidente di Fundashon Orguyo Kòrsou, Marlon Reina; fundador di Corporate Queer, Remxo Boxelaar; secretario di direktiva di Fundashon Orguyo, Egmar Irausquin; fundador y presidente di Fundashon EQ, Judith Brekelmans, fundador di inclusion4diversity, Amin Michel; y hefe di departamento na e Direktorado di Emansipashon di e Ministerio di Enseñansa, Kultura i Siensia, Lisette Kuyper.
Representante Suplente di Hulanda na Aruba, Vincent Storimans, ta guia e conferencia.
Tambe ta organisa diferente tayer y lo tin un programa social bunita cu posibilidad pa netwerk.
Pa e lista di oradornan y e programa completo, por tira un bista riba e documento adhunto.
E conferencia ta tuma luga na Kura Hulanda Conference Center.
Registracion ta posibel te cu diabierna 29 november 2024 via e link: https://bit.ly/4efXbnL