Copa Betico Croes 2025: Sorteo di prome ronda realisa na Oficina di AVB

Diamars na oficina di AVB (Arubaanse Voetbal Bond), a tuma lugar e sorteo di prome ronda pa e di 20 edicion di Copa Betico Croes. E ekiponan na e sorteo inicial tur ta di Division Uno.

Randolf Lacle, presidente di AVB, a habri e evento yamando tur presente bon bini enfatisando e importancia di e torneo. Despues di e apertura, Harvey Clement, Manager di competencia, a cuminsa cu e sorteo.

E prome wega di e torneo lo ta entre CDRA y Caiquetio, programa pa 25 di November. E ekiponan a keda dividi den cuater grupo: A, B, C, y D. E ganador di cada grupo lo avansa automaticamente pa e siguiente ronda. E segundo lugar di cada grupo lo topa otro 17 y 18 di December. Ganadonan di e wega di 17 y 18 lo sera e seis ekiponan di Division Uno. Tres di Januari, AVB lo realisa e segundo sorteo, incluyendo e seis ekiponan di Division Uno cu a cualifica y lo uni cu e dies ekiponan di Division Honor.