Recientemente, delegacion di Aruba a representa e isla durante di conferencia di Florida-Caribbean Cruise Association (FCCA) 2024 cu a tuma lugar na Sint Maarten. Esaki ta marca e di tres biaha cu Sint Maarten ta anfitrion di e conferensia aki cu ta ofrece un oportunidad unico pa conecta cu ehecutivonan di e industria crucero, explora oportunidadnan nobo, y actualisa riba futuro di turismo crucero den e region.
E delegacion di Aruba a consisti di representantenan di Aruba Tourism Authority (A.T.A.) Destination Services Manager Sr. Patrick Melchiors and CruiseManager Sra. Monica Bos cu a participa na dialogonan pa resalta e ofertanan unico cu Aruba tin pa ofrece na huespednan crucero. Alabes, e delagacion a consisti di representante di Aruba Ports Authority (APA) CEO Sr. Marc Figaroa y Chief Commercial Officer Sr. Mario Arends, cu a uni cu e ekipo di A.T.A. den reunionan strategico cu ta enfoca riba construi relacion sostenibel y fortalece posicionamento di Aruba den e mercado di crucero. A conecta cu personanan clave di lineanan grandi di crucero, y accesibilidad riba henter e sector di crucero den Caribe.
E Conferencia di FCCA ta un Flagship Event’ unda ta reuni ehecutivonan di crucero y representantenan di diferente destinacion, facilita interaccion directo pa medio di diferente reunionan, manera eventonan di networking y diferente tayer riba topiconan manera turismo sostenibel, amplificacion di e destinacion, y strategia di crecemento segun crucero di luho pa Aruba. Delegacion di Aruba a percura pa un comparti ideanan, posiciona e isla como un destinacion vibrante cu enfoke riba huepsed, y formando conexion cu lo benificia e industria di crucero di Aruba pa añanan venidero.
E evento a tene un variedad di actividadnan, incluyendo mas di 940 reunionan personal entre ehecutivo di crucero y destinacion, un aumento di 34% compara cu 2023. A introduci elemento nobo manera “Presidents Dinner” exclusivo, caminda lider di industria a topa cu socionan di destinacion pa forma conexion y comparti desaroyo di negoshi. Tayer y presentacionan a tuma lugar riba topiconan manera aumenta e experencia di e huesped, crea producto di tour exitoso, y logra meta di sostenibilidad pa termino largo.
Cu e conocemento nobo y relacionan forma durante e conferencia, Aruba ta opta pa continua cu su compromiso pa provee experencianan excelente pa huespednan di crucero, y fortitica Aruba como un destinacion principal den e region Caribense.
