Oficina di Departamento di Aduana ta cera riba dia 6 di december 2024 parti merdia en conexion cu votacion

ORANJESTAD – Departamento di Aduana, cumpliendo cu Kiesverordening (articulo 40), ta anuncia na tur su clientenan e orario di oficina en conexion cu votacion 6 december 2024:

• Oficina principal lo ta cera for di 11.30’or di mainta
• Container Port lo ta cera for di 11.30’or di mainta
• Port di Free Zone lo ta cera for di 12.00’or di merdia
• Oficina na Aerocargo terminal lo ta cera for di 11.30’or di mainta.

Den caso cu tin mester di servicio di Aduana riba diabierna, ta conseha tur cliente pa pidi esaki prome cu diahuebs 5 december. Aduana lo trata na yuda mas cliente cu ta posibel a base di “first come first serve”.

Tur servicio pa clientenan y publico en general lo reanuda riba dialuna 9 di december for di 7.30’or di mainta.

Departamento di Aduana Aruba ta gradici tur su clientenan y partnernan pa e comprension y cooperacion.