Oranjestad, Aruba, diabierna, November 1, 2024: AHRA ta contento di por anuncia e exito di su reciente Master Class riba Maneho di Recurso Humano cu Inteligencia Artificial, organisa den colaboracion cu AFAS! Charlène Nectar, Presidente di AHRA, a habri e evento cu un palabra di bonbini na tur participante, tanto Miembronan como No-Miembronan. Durante su discurso Charlène a enfatisa riba e compromiso di AHRA pa crea oportunidadnan di aprendisahe interesante pa fortalece e conexion di networking entre profesionalnan. Charlène tambe a expresa su entusiasmo pa sigui ofrece mas evento manera e Master Class aki durante 2025.
Cu un gran asistencia y participacion entusiasma di Miembronan y No-Miembronan cu a hanja conocemento valioso riba e tendencia di Inteligencia Artificial mas moderno, hermentnan practico, y stragianan di digitalisacion cu por juda mehora e fluho di trabao y actividadnan esencial di Recurso Humano. AHRA a duna un bonbini na su colaborado pa e evento aki, AFAS Software Aruba, representa pa Rothmar Coenraad, Manager of Operations Caribbean at AFAS Caribbean riba escenario.
Rothmar a ofrece un bista amplio riba futuro di Inteligencia Artificial den un organisacion, enfocando riba innovacion sostenibel y responsabel. Hunto nos a explora concepto nan clave, incluiendo:
Importansia di mantene un enfoke di hende den e proceso di Inteligencia Artificial
Mihor practicanan pa integracion di Inteligencia Artificial efectivo y etico
Sugerencianan pa un transformacion digital sostenibel cu tin impacto den tur organisacion
AHRA ta gradici AFAS pa nan colaboracion y pa juda cu e logro di un evento exitoso!
Un danki special tambe pa tur esunan cu a asisti. E directiva di AHRA, ta spera pa sigi comparti momento nan di apprentisahe y networking durante 2025.
