Oranjestad, Aruba, 7 di november 2024– Aruba Bank ta anuncia e activacion oficial di Sentoo pa pago local na Aruba. Esaki ta un colaboracion cu ta revolucionando manera con negoshinan y clientenan ta hasi transaccion a base diario.
Pa celebra e ocasion special aki, Aruba Bank a haci un donacion na fundacion ‘Ban Uni Man Pa Cria Nos Muchanan,’ cu ta aporta na nan pilar di “We Care, We Build”, pa asina promove y duna un man na iniciativa local den nos comunidad. E gesto aki ta pone enfasis riba Aruba Bank su compromiso pa comunidad, alaves ta demostra cu e tecnologia nobo cu Sentoo ta ofrece ta facil pa uza.
Empoderando Negoshinan cu Transaccionnan mas Facil y Rapido
Negoshinan cu tin un cuenta di negoshi na Aruba Bank ta cualifica automaticamente pa pago via Sentoo. E integracion cu Sentoo ta simpel, permitiendo negoshinan pa adopta e solucionnan innovativo di pago di Sentoo rapido y facilmente: www.arubabank.com/Sentoo-For-Business. Haya sa con pa bira un negoshi usuario di Sentoo y haci uzo di e solucionnan innovativo di pago, bishita e website di Sentoo awe mes.
Mehora Experiencia di Consumidornan
Clientenan di Aruba Bank por haci uso di Sentoo, ora di paga na negoshinan cu ta parti di e programa di pago di Sentoo. Pa mas informacion, bishita www.arubabank.com/pay-with-sentoo.
Tur cliente di Aruba Bank cu haci un donacion via Sentoo di AWG 5 na Fundacion ‘Ban Uni Man Pa Cria Nos Muchanan’, entre e periodo di november 7 – november 22, ta participa pa GANA AWG 250.-.
Bishita nos website aki www.arubabank.com/pay-with-sentoo y experiencia con facil e ta pa haci un pago via Sentoo. Alabes, bo ta contribui na un bon causa, door di yuda recauda fondo pa ‘Fundacion Ban Uni Man Pa Cria Nos Muchanan’. E fundacion aki ta yuda duna desayuno na muchanan den necesidad, na scolnan di kleuter, scol primario y scol secundario.
