Hit&Run fatal; momento cu auto a dal dama mata na Shiribana

Shiribana – Diadomingo marduga den careda di 1’or polis a bay cu urgencia e caminda di Shiribana, unda cu auto lo a dal un persona.

Na yegada polisnan ta constata cu ta trata di un accidente serio y lo ta un caso di hit&run.

Ambulance cu a yega casi mesora a mira cu nada mas por wordo haci pa e victima cu tawata un dama. Parse cu e victima tawata ariba un electric step.

E auto cu a dal e lo posiblemente ta un marca Honda y posiblemente color ros, y lo a sigui bay direccion di rotonde Paradera unda a perde for di bista.

Caminda a wordo cera pa asina cuminsa cu un investigacion profundo. Dokter tambe a presenta pa constata morto.