Bo cerebro no semper por distingui entre un spanto repentino y un menasa real. Pero loke ta emocionante pa algun hende por ta dañino pa otronan.
! Sea cu e ta un peliger real of simplemente mirando un pelicula di terror, bo curpa inicialmente ta responde na miedo di e mesun manera. Aunke bo cerebro generalmente ta detecta e diferencia entre un menasa real distingui, stress por causa efectonan indesea pabo salud.
KIKO MIEDO TA HACI CU NOS CELEBRO Y CURPA
E respuesta na miedo di e curpa, of respuesta di bringa of hui, semper ta cuminsa den e amigdala, un parti di e sistema limbico di e cerebro cu ta fundamental pa reconoce menasanan y procesa emocionnan. Despues di a sinti un menasa, e amigdala ta manda un señal di socoro na un centro di mando den e cerebro conoci como hypothalamus, kende ta bisa e sistema nervioso y endocrino pa libera hormona y neurotransmisor manera cortisol, dopamina, noradrenalina y adrenalina.
Investigacion ta mustra cu e hormonanan y neurotransmisornan aki ta traha hunto pa acelera e respiracion y haci cu e curason ta pomp sanger rico den oxigeno mas lihe den e musculonan y organonan vital. Esaki ta prepara musculonan y e cerebro pa coordina un reaccion di menasa rapidamente.
Den e caso aki, “nos musculonan ta bira tensed, p’esei nos ta cla pa accion; nos pupilnan ta bira mas hancho, pa nos por mira miho; Nos mente ta bira mas skerpi, pa nos por concentra nos mes solamente riba e menasa; y nos oido ta bira mas miho, pa nos por bira mas sensitivo na zonidonan”, Kiecolt-Glaser ta splika.
CON TA DIFERENCIA MENASANAN REAL Y UNO NO REAL
Nos respuesta biologico inmediato na miedo ta mescos sea cu nos ta enfrenta un peliger real, of algo cu ta aparece solamente den e forma ey, Holly Blake, profesor di medicina di comportacion na e facultad di Medicina di Universidad di Nottingham na Inglatera, ta bisa.
Pero bo cerebro generalmente ta reconoce rapidamente e diferencia entre un menasa real y uno ban pone no real.
CON MIEDO POR HACI DAÑO NA BO CURPA, ASTA SI E PELIGER NO TA REAL
Pero tin biaha e cerebro no tin e memoria pa pinta di kiko ta real of no. Pensa riba un amigo
bisti pa spanta bo of e experiencia di mira un pelicula di teror.
Den e situashonnan aki, ta posibel cu e reaccion completo di bringa of hui for di e curpa no ta activa. Na luga di esey, hopi biaha ta libera cantidad mas chikito di hormona di stress, resultando den efecto revelador manera un curason cu ta bati mas duro, mannan ta soda of bo ta sintibo mas nervioso.
Aunke e ta mustra inofensivo y pret pa hopi hende,” e spantonan frecuente ainda por ta stressful, hasta entre e personanan cu ta kere cu nan ta disfrutando di dje”, Mihail Zilbermint, dokter y director di e programa di internista endocrino di Johns Hopkins Medicine, ta bisa.
De echo, Kiecolt-Glaser ta splica cu ora hormonanan di stress ta sali mucho frecuentemente of pa periodonan di tempo largo, ” e por desgasta bo curpa. Den algun persona, e ta bisa, “e por causa problemanan di salud manera presion arterial halto, problema cardiaco, problema digestivo y desregulacion di e sistema inmunologico pasobra bo curpa ta constantemente den un Alert Mode”..
Y pasobra a ser descubri cu adrenalina ta daña e tejido cardiaco den algun persona, personanan cu malesa cardiaco mester ta hopi cuidadoso. “Mi ta recomenda evita intencionalmente bula spanta si bo tin un aritmia di curason”, Millstine ta conseha.
Meskos ta sosode cu personanan cu ta sufri di dolor di lomba cronico, ” pasobra e contraccion di e musculo abrupto cu ta sosode ora bo spanta por causa espasmo muscular y empeora e sintomanan”, e la agrega”.
Otro consideracion ta cu
hende cu tin un condicion manera desorden di stress post-traumatico, desorden obsesivo compulsivo of desorden di ansiedad “por tin un amigdalo hiperactivo cu ta haci nan reaccion na miedo mas dramatico of ta afecta nan mas
cu otro individuonan”, Hemendinger ta bisa. E hendenan aki, e ta bisa, ” por beneficia door di skip e haunted house nan e aña aki durante Halloween”.