ORANJESTAD, Aruba – 11 di oct, 2024: Awe ta e ultimo día pa cobra e premio cu a ser gana diabierna 13 di juli di 1 miyon 650 mil florin cu Lotto 5! E numbernan ganado pa e sorteo aki tabata: 08-15-25-27-30 Joker: 29 y Letter: E.
E ticket ganado a wordo cumpra na Sunshine Lottery situa na Noord. Si abo lo por a cumpra bo ticket di Lotto 5 na Sunshine Lottery, check bo ticket pa wak si abo lo por tin e ticket ganado pa asina cobra e premio miyonario aki awe diabierna 11 di october!
Tur premio di Lotto cu wordo gana, e hungado por cobra su premio dentro di 90 dia pero den caso di e premio aki di Lotto 5 ainda e feliz miyonario aki no a pasa oficina di Lotto pa cobra su premio y awe ta bira e ultimo día cu por cobra e premio miyonario aki.
Si e ticket miyonario aki no wordo cobra awe, keda pendiente pa un noticia importante! Follow nos riba nos medio nan social pa asina bo keda na altura di tur noticia importante di Lotto.
Lotto, E Loteria di Aruba tin diferente wega, Catochi, Big 4, 1-OFF, Zodiac, Wega di Number di Korsou di Lotto, Lucky 3, Multi-X, Lotto di Dia, Lotto 5, Mini Mega y cu su Mega Plus, y e diferente weganan di Raspa y Gana y Instacash. Tambe lo por hunga Lotto Online door di bishita: play.lottoaruba.com pa por registra. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.