2
Pos Abou – Diadomingo den oranan hopi trempan di mainta, polis ta wordo informa cu un auto a cay den greppel altura di Citgo Sasaki.
Ora cu polis a yega, e la bin topa cu un auto benta den e greppel pariba di e rotonde di Citgo Sasak, parto panort.
E auto cu ta un Toyota Prado lo tawata coriendo malo for di rotonde Guardian Group. Eynan e lo tawata purba na pasa un auto su dilanti.
Yegando e rotonde di Bowling e la dal un rond di dje, pa despues dal un Hyundai Accent y sigui bay cay den e greppel banda di e gas station.
Polis mester a atende cu e chauffeur cu lo a resulta herida. A pidi pa ambulance y na yegada Paramediconan a haya cu e chauffeur mester bay Hospitaal.
Un persona den Accent a ser atendi door di Paramedico na e sitio mes.
