Dama Haitiano cu ta traha como security a wordo atraca pa dos persona , e dama a perde tur su pertenencianan cu e tabata tin cu ne y a keda basta histerico.
Olijfistraat, Dakota: Diaranson den careda di 9’or y mey a tuma lugar un atraco arma den Dakota riba un Dama Haitiano, esaki a sosode cerca di su cas, e dama lo a caba di traha of lo tabata bayendo trabou, e tabata den su uniform di Security Guard. E dama a spanta asina hopi cu e la cana bay su cas den Olijfistraat y a yama polis.
Na yegada di polis e la conta cu e tabata canando banda di e misa, na momento cu e la a wordo atraca, e atracadonan menas’e cu un cuchiu y a logra bay cu tur su pertenencianan. E dos atracadonan a bandona e sitio den un Honda Accord color cora.
Polis na e sitio a pidi pa presencia di atraco team y tambe slachtofferhulp, mirando cu e dama a keda basta histerico,
—Cuerpo Policial Ta Informa—
Señora ta wordo atraca na Olijfistraat.
Diaranson pa mas o menos 9:40 di anochi central di polis ta wordo informa cu un señora lo a wordo atraca na altura di Olijfistraat den Dakota.
Di biaha ta despacha patruya di polis y diferente unidadnan na e sitio.
Na yegada di e prome patruya ta bin topa cu e señora basta spanta y na unda e ta conta cu un rato prome dos homber den un auto color cora lo a atrake cu un cuchio y nan a bay cu tur su pertenencianan.
Diferente unidad di polis riba caya a cuminsa busca pa cu e auto cu e sospechosonan aden.
Cuerpo Policial ta haci un apelacion di es cu sa algo of a mira algo pa yama e tiplijn di polis cu ta 11141. Bo ta keda anonimo.
