Wayaca – Diasabra anochi rond di 7’or y mey a sosode un accidente di trafico, entre 3 auto na altura di Hyatt Place.
Automobilistanan a papia di un accidente pisa, esaki a pone cu polisnan a dirigi nan mes cu urgencia pa e sitio.
Danki Dios; na yegada di polisnan esnan envolvi tawata pafo di e auto y splicando kiko a sosode.
Ambulance a wordo pidi pa un seƱora cu tawata envolvi y tawata sinti dolor na curpa.
E autonan envolvi tawata un Chevrolet pickup; un Nissan March y un Honda civic.
Caminda a wordo cera na rotonde Mahuma, door di e accidente e trafico a stagna.
Diasabra mainta tambe a sosode un accidente entre 3 auto un poco mas pariba; ey nan un chauffeur bou influencia a wordo deteni.
Team di Green Corridor a wordo poni na altura, pa yega e sitio pa mira e daƱonan ocasiona door di e boksmento y haci e caminda limpi.
