Di e forma aki, mi ta desea di expresa mi gratitud na tur cu a ofrece nan sosten cu partida di mi casa Raymond. Tabata dianan duro y scur y na momentonan asina, mi famia cu semper tey pa otro, a demostra nan forsa.
Mi kier cuminsa pa gradici nan: danki na Ruben cu a conduci CPR sperando ambulance y pa toca cu su banda durante entiero. Boso musica a duna nos consuelo. Mi rumannan Yolanda (Greta), Myriam, Ruben y mi sobrina Maruschka pa asisti mi na funeraria y durante e dianan siguiente. Danki Greta pa bo poesianan, danki na tur mi rumannan cu tabat’ey tur dia pa nos, Joselito, mi sobrina Josy, Yvonne, Desiree, Jorge, Rene y Maybe cu a bin di exterior, Lupina y tambe Maritza. Els, Cheche, Reggie, Garrick, Tristan y Ashmar cu a yuda Raymond e atardi spantoso ey.
Danki Marush pa e dos tentnan den santana cu a pone cu nos no a smelt ey mes. Garrick pa bo potretnan; Sjair Yana pa filma cu drone; Rido cu su team di sobrino pa yuda na cas y santana. Danki na Mumuy Wong pa guia e entiero pa nos di forma profesional. Mi kier gradici tur cu a convivi cu nos di un forma of otro, cu boso presencia, yamada di telefon, App, E-mail, via FB, cu a manda krans.
Danki na e grupo grandi di Raymond su coleganan di trabou y mi coleganan di EPI. Mi a aprecia esey enorme. Danki Mari, Sandra y Sophie pa boso yudansa impagabel despues di entiero. Jorge Diaz, danki pa manda mi video di Raymond y nos por a disfruta di su hari un biaha mas. Un danki hopi special ta bay na Susy Thiel pa actua rapido, core hopi duro, hiba Raymond hospital, dunando nos dos siman mas cu ne.
Mi kier gradici e miembronan di banda di nos ruman Ruben: Stuart Willems, Janine Gunther, Francis Curiel, Juancho Tromp, Chica Rasmijn y Wijkie de Cuba. Danki pa boso musica cu a brinda nos paz.
Hopi consuelo a duna nos presencia di Raymond su famia di Merca: su mama Pam, ruman Adrien, su omo Sunsun, primanan Karen, Sasha y primo Ziad. Thank you for being here when we most needed it. Also thanks to all the family members abroad who sent hugs and condolences.
Danki na Funeraria Aurora pa nan servicio sublime di cuminsamento te na final.
Si den mi tristesa mi por a lubida cualke persona, mi disculpa pero sa cu mi ta inmensamente agradecido na tur loke cada un di boso a haci pa Raymond prome y durante su entiero.
Danki, danki y mil danki!
Charlotte, Melanie, Katy, Gigi, Ethan y Zulay
September 19, 2024