New York
E rapper y producer, Sean “Diddy” Combs, kende den su ultimo aña a enfrenta un serie di demanda pa agresion sexual y un investigacion federal pa mensen handel, a ser deteni,segun e abogado di Combs.
Combs, kende tabata na New York desde siman pasa, a ser deteni na Hotel Park Hyatt na 57th street na Manhattan y a wordo poni den custodia di Homeland Security Investigations, SEGUN CNN a informa for di fuente familiar cu e negociacionnan.
E detencion tabata basa riba un acusacion cu ta spera di bira publico, segun un comunicado di Damian Williams, fiscal di e Distrito zuid di New York.
Na cuminsamento di e aña aki, Combs a bira e blanco di un investigacion di trafico sexual di e Agencia di Homeland Security Investigations, cu a dura lunanan y cu a conduci na huiszoekingen dramatico di e casnan di e musico na Los Angeles y Miami na maart.
Despues di e buskeda, un fuente policial a bisa cu e investigacion federal tin su origen den hopi di e acusacionnan di agresion sexual presenta den varios demanda civil contra e productor. A haya sa cu e magnitud di e investigacion ta hopi mas grandi y ta enfoca riba trafico sexual, labamento di placa y droga ilegal.