Avenida Nelson Oduber/Sasaki: Dialuna durante oranan di mainta, despues cu kehonan a wordo entrega di un holor hopi desagradabel di awa sushi, den un localidad net banda di Kentucky Fried Chicken Sasaki, instancianan concerni a dicidi di bay controla e negoshi na banda cu tabata Kentucky Fried Chicken.
Na prome instante nan a nota cu Kentucky tabata limpi y tur cos na ordo, pero mas patras a bin ripara cu awa sushi di cushina, di laba galinja y mas otro cos tabata pasa bou di e sheetrock y tabata bay den e localidad di un negoshi na banda y esaki tabata causa un holor hopi desagradabel.
Esaki a pone cu e filiaal di Kentucky Fried Chicken Sasaki a wordo cera pa 48 ora, pero probablemente lo mester tuma poco mas tempo pa por drecha e situacion fastioso aki y cu sigur ta algo cu no lo por wordo drecha asina lihe den 48 ora.
