Oranjestad – 09 di september 2024 – Aruba Bank ta celebra cu orguyo su contribucion den e conferencia LIDERA 2024, cu a tuma lugar riba 6 y 7 di september na Hilton Resort. E conferencia cu e tema “LIMITLESS” a reuni lidernan, profesionalnan, y atletenan hoben pa dos dia di educacion, inspiracion, y empoderamento.
Como un sponsor comprometi, Aruba Bank a hunga un rol importante den e mision di e conferencia pa inspira e participantenan pa kibra bareranan personal y social. E evento pa atletenan hoben riba 6 di september a bira posibel, dunando atletenan hoben e oportunidad pa asisti sin costo. Durante e conferencia e coach Allistair McCaw a comparti strategianan pa desaroya un mente sin limitacion, tanto den deporte como den bida personal.
Riba 7 di september a tuma lugar e conferencia principal di LIDERA, cu a atrae un publico diversifica cu tabata ansioso pa explora manera pa supera limitacionnan den nan bida personal y profesional. E participantenan a participa den sessionnan impactante, incluyendo discursonan di e orador principal y e panel di discucionnan, cu tabata dirigi pa fomenta un mentalidad di posibilidadnan sin limitacion.
Aruba Bank tambe tabata honra pa por tabata tin nos Chief Strategy & Transformation Officer, Sra. Nataly Simmons-Thompson, cu a habri e conferencia cu un discurso potente. Ela enfatisa e importancia di kibra bareranan y adapta un mentalidad di crecemento, alineando perfectamente cu e tema di “LIMITLESS” di e conferencia. Su palabra a pone e tono pa un dia yen di inspiracion, stimulando e participantenan pa bai mas aya di nan limitacionnan percibi.
Nos ta orguyoso di a forma parti di e evento significante aki, apoyando y empoderando individuonan pa logra nan potencial completo. Aruba Bank ta keda comprometi na fomenta crecemento, tanto den nos comunidad como via iniciativanan manera LIDERA cu ta inspira cambio duradero.
