Un mucha di 11 aña supuestamente a confesa di a tira y mata un ex consehero di e ciudad y su yiu muhe, segun funcionarionan na Louisiana.
Autoridadnan na Minden, Louisiana, a ricibi un yamada diadomingo 6:30 di mainta riba dos curpa cu a ser haya den un cas. E first respondernan a topa Joe Cornelius Sr. di 82 aña, y su yiu muhe, Keisha Miles, di 31 aña morto, y cu varios heridanan di bala.
Investigadornan a haya dos arma scondi di e mesun caliber di e hulsnan cu a wordo haya cerca di e curpanan, McIver a bisa. E la bisa cu e investigadornan ta haciendo mas prueba pa confirma cu ambos a ser usa den e asesinato. E no a bisa ki tipo di arma di candela a ser haya.
E Ley di Louisiana ta permiti pa menornan ser huzga como adulto pa asesinato di prome grado y otro delito violento specifico, pero no si nan ta bou di 14 aña. Fiscal di districto Schuyler Marvin a bisa cu e condena pa e cargonan actual por resulta cu e mucha ta keda deteni den un centro juvenil te cu su 21 aña.
E mucha homber di 11 aña ta den custodia y ta wordo acusa di dos asesinato di prome grado, aunke te ainda no ta duidelijk e motibo, autoridadnan a bisa.
No ta prome caso; unda un mucha di apenas 11 aña ta mata un persona adulto.