172
L.G. Smith Blvd – Diasabra marduga polis a bay pazuid di e rotonde di Marriott Resort pa un accidente di trafico.
Tawata pasa di 3’or di marduga cu polis na e yegada ta topa cu un Nissan March color preto y Kia Picanto v-car.
Agente despues cu a mira cu no tin hende herida a bay over pa test chauffeur di e Nissan March, debi na su comportacion. Nan a pidi pa Alco-Sensor, pa haci e control.
Manera nan a pensa e chauffeur a supla over e limite stipula y a wordo deteni, mesora a pidi pa transportwagen pa hib’e warda di Shaba.
Locual a sosode tawata cu e Nissan March bayendo zuid a hala bay na man robes y dal frontal contra e Kia Picanto v-car cu tawata bayendo direccion nort.
Daño material ta basta.
