HATO – Diaranson den ora di merdia algo pasa di 12’or a surgi un situacion na E.P.B Hato, e biaha aki no tawata bringamento; pero algun alumno cu a cuminsa sinti malo.
Mirando cu ta trata di varios mucha; mesora a manda 2 ambulance y un Rapidresponder. Polis tambe a wordo poni na altura.
Poco poco a bin sali na cla; cu algun mucha lo a bebe algo mescla cu refresco. Aparentemente lo ta algo cu nan a mira ariba Social Media y ta cay bou e “Challenge thing”.
Esaki despues di a ingeri esaki, a haci nan malo, unda cu docentenan mester a bati alarma na 911.
Mayornan di e muchanan a wordo avisa, unda cu nan mes lo a hiba nan yiunan Spoedeisende Hulp pa un control’e mas rigoroso.
Tipo di “Challenge” nan asina lo keda presenta y lo keda bira mas y mas intenso. Cada mayor tin e responsabilidad di tene bista ariba kiko nan yiu ta haci cu nan cellular.