Oranjestad, Aruba – 28 di augustus, 2024 – Recientemente Aruba Bank a forma parti di un presentacion na The Ritz-Carlton, Aruba, caminda representantenan di e banco a presenta e producto y servicionan di banco diseña pa cubri e necesidadnan pa cada cliente.
Durante e evento, representantenan di Aruba Bank a duna 2 session di presentacionnan interesante tocante e solucion financiero cu e banco ta ofrece, incluyendo productonan di banco, servicionan, y inovacionnan di digital banking cu servicionan self service. Esnan cu a asisti tabatin e oportunidad pa siña mas tocante con Aruba Bank ta compromete pa duna un experiencia superior y solucion adapta cu ta cubri e necesidadnan di cada persona den nos comunidad.
E evento tabata bon asisti, cu un grupo diverso di clientenan, y tur presente a participa na sesionnan interactivo y oportunidadnan pa network. Representantenan di Aruba Bank tabata cla pa contesta preguntanan y duna conseho personalisa.
