LOS ANGELES ( AP) – Mama di Mariah Carey, Patricia, y su ruman muhe Alison a muri e mesun dia, e cantante a bisa dialuna.
“Mi curason ta kibra pasobra mi a perde mi mama e weekend pasa. Lamentablemente, den un tragico turno di e eventonan, mi ruman muhe a perde su bida e mesun dia”, e cantante ganado di Grammy a bisa den un comunicado.
“Mi ta sinti mi bendishona cu mi por a pasa e ultimo siman cu mi mama prome cu e la fayece”, e comunicado a sigui bisa. “Mi ta aprecia amor, sosten y respet di tur hende pa mi privacidad durante e momento duro aki.”
The Times Union a informa ayera cu Alison, kende tabata hopi separa di Carey, a muri na edad di 63 aña pa complicacionnan cu e funcion di su organonan y cu e tawata den cuido paliativo.
People magazine tawata e prome cu a raporta e noticia di e fayecimentonan y un declaracion di Carey.
Patricia tabata un cantante di opera cu a studia na Juilliard, kende Carey ta atribui como su inspiracion for di hopi hoben.
“Mi tabata canta melodianan chikito na cas, mi mama tawata encanta esey . Y semper e la anima mi”, E la skirbi den su memorial di 2020, ” e significado di Mariah Carey.”
Patricia tabata casa anteriormente cu Alfred Roy Carey, tata di e cantante. E mayornan a divorcia ora e cantante di” Vision of Love ” tabatin 3 aña. Carey a crece den Suffolk County na Long Island y a biba principalmente cu su mama despues di divorcio di su mayornan. Su tata a muri di cancer na 2002 na edad di 72 aña.
Carey a detaya su relacion complica cu su mama y su ruman muher den su memorial, den cual e la skirbi cu e y su mama a confronta otro hopi biaha, causando e “tanto dolor y confusion”, y a acusa su ruman muher di pone e den situacionnan insigur ora e tabata mucha.
“Manera hopi aspecto di mi bida, mi biahe cu mi mama tabata yen di contradiccion y realidadnan den competencia. Nunca tabata solamente den blanco y preto” e tabata un regenboog di emocion”, Carey a skirbi den e buki. “Nos relacion ta un cabuya di sumpiña di orguyo, dolor, berguensa, gratitud, jaloersheid, admiracion y decepcion. Un amor complica ta mara mi curason na esun di mi mama”.
Carey a mantene contacti cu su mama y asta a graba un dueto di “O Come All ye Faithful / Hallelujah Chorus” pa e di dos album di pasco di e cantante na 2010.