E icono di television y cine, kende a cumpli 93 aña riba dia 23 di augustus, ta bisa PEOPLE con e ta planea pa pasa su dia special.
“Mi ta hopi agradecido di a completa un otro biahe rond di solo”, e la bisa den un comunicado. “Mi lo pasa mi cumpleaños na lunch cu mi esposo y algun amigo stima. Mi ta disfrutando tambe di e fin di siman cu mi famia, mi ruman muhe Alison, su esposo y nan yuinan. Mi kier gradeci tur mi amigonan y fanaticonan rond mundo pa nan muestra di amor y bon deseonan riba mi dia special”.
E ta conoci pa su papel di Jeannie, un genio di 2,000 aña cu ta enamora di astronauta Major Tony Nelson (Larry Hagman) den Nbc su Dream of Jeannie, cu a dura cinco temporada for di 1965 te cu 1970. E comedia stima aki a manda Eden na fama mundial y a haci’e un nomber familiar.
Mientras fanaticonan ta sigui identifica e actris como Jeannie, Eden a comparti cu PEOPLE na augustus 2023 cu e fansnan tambe ta aserke riba rolnan mas chikito cu e la interpreta.
Source: People