Despues di un bishita exitoso di 3 artesano di Aruba na Colombia den luna di april a tuma lugar na luna di juni e intercambio cu bishita di 4 artesano na Aruba. Esaki a tuma lugar den cuadro di e programa Exchange|Art Elevation coordina pa Fundacion Pulso Aruba cu ayudo financiero di Fonds voor Cultuurparticipatie.
E meta di e intercambio cultural tabata pa comparti e amor pa artesania traspasando frontera pero tambe pa siña tecnica nobo. E artesanonan di Aruba Fausta Luna, Maria Elena Valecillos y Olga Londoño no a tene e conocimento y experiencia pa nan mes pero den diferente workshops durante juni a bishita scol basico. Na juli a sa di traspasa y inspira un total di 120 particpante di nos comunidad di diferente edad. Workshops a wordu duna riba e tema di vlechtmento segun tecnica di macrame, tecnica di mosaico, traha joya di klei. Un danki na Bibloteca Nacional pa nan cooperacion y e comunidad cu a reaciona masal cu nan participacion. Fundacion Pulso lo ta preparando nan agenda di actividad pa 2025 asina ta keda pendiente por medio di nos pagina riba facebook Pulso Foundation. Pa mas informacion por comunica cu nos via fundacionpulso297@gmail.