119
Ya pa mas di 40 aña Centro di Bario Noord ta organisa su ‘Summer Kids Camp”. Cu
e patronchi di ta un camp cu actividadnan tanto social, deportivo como educativo
ta haci e camp uno hopi gusta. E aña aki e programa a wordo hinca den otro pa e
Youth Power di CBN, kendenan mes tabata participante di dicho camp y awor ta
fungi como asistente di lidernan. CBN sigur ta hopi orguyoso di nos hobennan pa
e tremendo programa hinca den otro y pa nan labor. Tabata un siman yena cu
actividadnan e.o. bai Parke Arawa, a bishita Museo Industrial y e muralnan na San
Nicolas, un Water Olympic Day, ariba e dia educativo a ricibi bishita y
presentacion di CMO, K9, Aloe Aruba, Edwin Dirksz cu piscamento na baranca y
famoso cantante Ty a termina e dia cu cancionnan cu e muchanan a canta “uit
volle borst”. Nos a clausura e siman cu un “Splashday”. Potretnan ta papia pa nan
mes. Centro di Bario Noord kier a manda un palabra di agradecimento na
Superfood y Cede Aruba pa nan aporte na nos camp y tambe tur otro boluntario
cu a traha pa asina e muchanan por a disfruta di un siman cu hopi alegria y
movecion.
