Pindastraat/Mandolinstraat – Diasabra anochi rond di 11’or varios unidad di polis mester a bay un biaha mas e skina di Pindastraat cu Mandolinstraat.
Eynan parse prone cu polis a yega lo tawata tin un confrontacion, entre e dos adresnan ya conoci esta esun pariba y esun pabou. Te hasta lo tin tiramento di palabra constantemente pa otro ariba diferente plataforma social y e no ta stop.
Polis a yega ya e pelea lo a caba, pero na e sitio nos a conpronde cu lo tawata tin mandamento di boter I piedra. Esaki probablemente lo a tawata bin di pariba y tambe a papia cu un auto lo a pasa los tiro.
Algun minuut na e sitio patruyanan lo a spot un supuesto auto cu lo a match e descripcion di esun cu lo a tira. Por a mira polisnan tira un bista cortico pa huls, pero no a haya nada.
Despues di a controla dicho auto cu tawata dilanti un cas na Clabillostraat no a bin haya nada abnormal. Un cos e Yaris su papelnan lo no tawata na ordo y polis a bay over na confisca esaki.
Na e mesun momento, mayor di e hoben cu lo ta donjo di auto a referi na e esnan pazuid o sea e hendenan di Mandolinstraat/Pindastraat.
Un cos nos por bisa, autoridad y e instancianan concerni mester a cuminsa tackle e problema aki hopi tempo atras. Debi cu no ta mustra cu tin solucion pa awor.
