Secretario di estado Zsolt Szabó di Relacionann den Reino y Digitalisacion di 11 te 16 di augustus 2024 ta hiba un bishita di trabou na Aruba, Corsou y Sint Maarten. Esaki ta e prome bishita di trabou di e secretario di estado nobo na e parti Caribense di Reino. Despues lo sigui un bishita na Islariba tambe. E prome viahe aki ta primeramente pa cera conoci cu e islanan y mandatarionan. Durante di su bishita e secretario di estado lo topa cu entre otro e gobernadornan, prome ministernan y otro ministernan di Aruba y Corsou, como tambe cu e gezaghebber di Boneiro.

Aruba

E bishita di trabou di secretario di estado Szabó ta inicia riba 11 di augustus na Aruba, caminda cu e ta cera conoci cu gobernador Alfonso Boekhoudt, prome minister Evelyn Wever-Croes y e otro ministernan di e Gabinete Wever-Croes. Tambe Zsolt Szabó ta topa cu presidente di parlamento Edgar Vrolijk y e ta cera conoci cu e miembronan di parlamento di e Comicion Relacionnan den Reino. Tambe riba e agenda tin un bishita na e prizon KIA y Archivo Nacional Aruba, un recorido door di San Nicolas y un encuentro cu representantenan di e mundo empresarial. Tambe e secretario di estado ta haña un presentacion tocante di progreso di e Pakete Nacional.

Corsou

Riba diamars 13 di augustus e secretario di estado ta biaha pa Corsou, caminda tin un programa yen ta ward’e. E ta cera conosi cu gobernador Lucille George-Wout, prome minister Gilmar Pisas y e otro ministernan di Gabinete Pisas y ta topa presidente di parlamento Charetti America-Francisca y parlamentarionan miembro di e comicion di Relacionnan den Reino. Mas aleu e secretario di estado ta haña un recorido di e isla, durante cua ta para keto na varios desaroyo (economico). Tambe tin un encuentro plania cu e Comicion Nacional di Reforma y cu presidente di Banco Central di Corsou y Sint Maarten. Por ultimo e secretario di estado ta topa partnernan riba tereno di Husticia y ta bishita base di Marina na Parera caminda e ta haña un presentacion di e trabou di Wardacosta.

Boneiro

Despues di Corsou e secretario di estado ta sigui pa Boneiro, caminda e tin un encuentro cu e gezaghebber nobo John Soliano y Representante di Reino suplente Jan Helmond. Durante e bishita aki e ta cera conoci tambe cu e miembronan di Colegio Ehecutivo y miembronan di Dialogo Central, un organo consultativo local di dunado di trabou, sindicato, gobierno local y Camara di Comercio. Tambe e ta pasa na parti nort di Boneiro, saliña y Marine Park Bonaire. 

Riba diabierne 16 augustus secretario di estado Szabó ta regresa Hulanda.