Nicolás Maduro a ordena diahuebs 1 di augustus pa drecha dos prizon pa cera e detenidonan di e protestanan contra e resultado electoral anunsia pa e Conseho Elektoral Nashonal (CNE), den cua nan a duna como ganado Maduro.
Maduro a afirma cu e lo reclui e manifestantenan den e Centro Penitenciario di Aragua, mas conosi como carcel di Tocorón; y e Penal di Tocuyito, na Carabobo.
“Mi a dicidi di crea dos prizon di siguridad maximo pa tur banda di e generashon nobo cu ta den e protestanan y den e atake criminal y lo no tin pordon ni consideracion”, e mandatario a bisa durante e Conseho Nacional di Economia Productivo.
Tambe e la detaya cu lo destina recurso pa e dos prizonnan ta “bunita” den 15 dia.
“Nos tin mas ku 1.200 detenido i nos ta bai pega mas ku 1.000. Nos lo pega nan tur. Nos ta agarrando nan un pa un y e biaha aki lo no tin pordon”, Maduro a adverti.
Detenidonan por ser someti na trabou forsa.
E mandatario a invita e funcionarionan presente pa haci un bet si e prizonnan di maximo siguridad aki lo logra re-educa e detenidonan of no.
“Nos lo converti nan den granja productivo, cu (e prisoneronan) pa Il
nan produci, pa nan traha, manera nan tabata haci den e tempo ey”, E la señala, referiendo na e dictadura di Marco Pérez Jiménez (1952-1958), cu a pone un plan di trabou na marcha pa e esnan priva di nan libertad.
Ademas, e la sigura cu e manifestantenan deteni lo a wordo getraind na Merca, Colombia, Peru y Chile. Den su opinion, e entrenamento tabata consisti den destrui seccionnan policial.