Ta hopi importante pa bo por reconoce e señalnan cu bo ta wordo hunga door di un muhe. Si bo no por detecta e señalnan aki cu e ta hungando cubo, ta facil pa perde tanto tempo cu un muhe cu no kier loke bo ta hasi.
Nos tin un tempo limita den e mundo aki, pesey ta crucial pa por detecta e “romantic time-wasters” na tempo ora nan drenta nos bida.
Siguientemente lo bay ilustra 10 punto, pa abo por detecta/spot of con abo kier yame ora un muhe ta hungando cu abo y con pa aleha di dje.
10 Señal sutil(fini) y no asina sutil cu e ta hunga cu bo
Aki tin 10 señal clave cu e ta hunga cu bo. Mas di señalnan aki bo detecta bo sa cu e ta hungando, y mas probable ta cu e muhe aki no ta cla pa un relacion serio cu bo.
1. E ta actua diferente ariba cell compara cu ora e ta bo dilanti
E ta receptivo y cariñoso solamente via telefon? Esaki ta un di e señalnan mas cla cu e ta solamente kier atencion. Telefon ta un medio pa papia so. Bo mester tene cuenta cu loke e ta hasi, no cu loke e ta bisa.
2. Semper e ta evita di topa bo den persona
Tin biaha bo ta sugeri pa boso topa, pero e semper ta ignora e sugerencia aki of ta haña un motibo pa no haci’e. Si, ta berdad cu algun muhe sa ta hopi druk. Pero tambe ta berdad cu tur muhe lo haña un manera pa traha tempo pa e homber cu realmente ta interesa nan. Si e no conoce bo den bida real, ta un di e señalnan mas cla cu e ta guiando bo.
3. E TA CORDA RIBA BO SOLAMENTE ORA MESTER DI ALGO DIBO
Si un muhe ta hunga cu bo, e lo start un combersacion cubo unicamente ora mester di algo. Abo ta semper esun cu ta cuminsa combersacion via telefoon? Si ta asina, esei ta un otro señal cu e no ta serio cu bo.
4. MUSTRANDO CERO INTERES DEN BO BIDA TA UN SEÑAL GRANDI CU E TA HUNGANDO CU BO
Con hopi e muhe aki sa di ken bo ta como persona? Si un hende puntr’e ki trabou bo ta haci, bo hobby’s of bo passionnan, e lo ta corda esey? Ta mustra si cu e ta scuchabo ora bo ta papia cu ne?
Un muhe cu ta interesa den un relacion serio ta scucha e informacionnan aki bon pasobra nan ta interesa den ken bo ta como persona y si esei ta fit nan metanan di nan relacion. Time-wasters lo no worry ken bo ta, basta nan haña locual nan kier dibo.
5. E TIN UN ARSENAL DI SERNAN MASCULINO ROND DI DJE–E TA HUNGANDO CU BO
E ta invita e arsenal completo di homber pa ora di sali, of unda cu e bay? Kisas abo no ta invita, p’esei bo no sa. Si ta asina, bo por wak su paginan di rednan sosial pa bo tin un idea solido si e muhe aki ta interesa den un relacion serio cu bo. E ta sali bay trip tur anochi? E ta rondona pa diferente homber tur anochi? Of, mas ainda, e mesun “tipo” tur anochi?
E tin un monton di guynan cu ta dune atencion riba Instagram y e ta duna nan atencion bek? Tur esaki ta señalnan cu e ta solamente kier atencion di hende homber, y nada mas.
6. E NO TA SACA NIUN PICS CU BO
Un muhe cu ta smart den e wega ta hopi cauteloso cu ken e ta saca potret. Esey ta pasobra e ta purba convence un grupo di sernan masculino cu e ta serio cu nan tambe! Si e no ta saca niun pic cu bo, of e no kier pa hende wak cu e ta pasando bon cu bo, ta tempo pa puntr’e si ta wega tin.
7. NUNCA BA TOPA SU FRIEND NAN OF SU FAMIA
Kisas e la invita bo pa sali cu ne bay un club of un fiesta na cas. Kisas e ta acepta di topa cu bo pa un dinner, pasobra e ta asumi cu bo ta paga pa esei. Sinembargo, e “players” femeninonan aki no ta interesa den conoce bo amigonan of famia. Esey ta pasobra nan sa cu e personanan aki si lo por capta e wega cu e/nan ta hungando. Ademas di esei, e ta mas probabel cu e ta menos interesa den presenta abo mes na su sernan keri.
8.UN SEÑAL GRANDI CU E TA HUNGANDO CU BO: NUNCA E TA TRAHA NIUN PLAN PA FUTURO
Un di e señalnan mas grandi cu e ta un player ta cu nunka e lo compromete su mes cu plannan leu den futuro. Of mas ainda, e ta compromete y na final e gewoon “bula afo”.
E tipo di muhe aki ta sinti su mes bon ora e tin diferente homber na linja, y lo corta tur laso manera un homber “miho” presenta segun e. Nan no tin integridad. E por tin un excusa solido pa cancela bo cada biaha cu bo mande un App pa haci un cita, pero casi semper ta un gañamento.
9.NUNCA E TA BIN BO CAS
Un “player” femenino nunca lo bin na bo cas pasobra eynan bo ta haya loke abo kier. Ademas, tin hopi chens cu e no ta sinti’e safe eynan cu bo. Un di e señalnan mas cla cu e ta guiando bo ta cu ta topabo solamente den publico, pasobra e ta pensa eynan bo por cumpra cos y dune locual e kier.
10. NUNCA E TA REFERI ABO COMO SU GUY
E no ta interesa den haya un “label”(stempel) pasobra e no tin niun plan pa compromete su mes cu abo. Wak kiko lo sosode, dia bo puntre pa abo ta su guy oficialmente. E dia ey lo bo haya sa tur su intencionnan. Si bo ta buscando un relacion serio o sea pa compromete, e muhe aki no ta esun cu abo lo kier pasa bo tempo serio cu ne.
CON PABO ALEHA DI E MUHE CU TA GUSTA HUNGA WEGA( Specialmente si abo ta gust’e hopi mes)
Bisa esaki:
“Ta parse cu bo no sa kiko bo kier. Pues, mi ta kere cu bo mester ta bo so pa un tempo y soluciona locual ta molestiabo.
Mi kier pa bo ta felis, y mi no kier pa bo ta obliga na nada. Mi ta spera di ta aki, si bo dicidi cu bo kier ta hunto cu mi.
Pa awor aki, mi mester concentra riba un persona cu ta 100% cla pa compromete cu mi, pasobra esey ta loke mi merece.”