Home » IGLESIANAN CRISTIAN DI ARUBA – Matrimonio di Mesun Sexo Un Lucha di Berdad Contra Mentira

IGLESIANAN CRISTIAN DI ARUBA – Matrimonio di Mesun Sexo Un Lucha di Berdad Contra Mentira

by Admin
0 comment 64 views

 

 

Luna pasa Parlamento di Aruba a rechasa e proposicion di ley pa legalisa matrimonio di mesun sexo. Cristiannan ta hopi agradecido cu Parlamento no a impone esaki riba nos pueblo pasobra mayoria di e pueblo di Aruba cu ta identifica como Cristian no ta aproba esaki. E lucha aki no ta un lucha pa derechonan humano. E lucha aki no ta pa igualdad. E lucha no ta contra discriminacion. E lucha aki ta un lucha di berdad contra mentira. Na Europa a keda demostra cu legalisa matrimonio di mesun no a trece e felicidad y trankilidad psicologico tan desea pa e comunidad LGBTQ.

 

Berdad ta cu tin solamente dos sexo, esta homber y muhe. Berdad ta cu solamente un relacion duradero di matrimonio entre un homber y un muhe ta percura pa e ambiente di mas sano pa lanta e siguiente generacion di ciudadano. Berdad ta cu actonan homosexual ta bay contra e ley di Dios cu ta skirbi den consenshi di hende y ora hende actua contra e ley di Dios nan ta sinti intrankil psicologicamente. Berdad ta cu tin hopi hende cu tabata homosexual den nan añanan di teenager, pero awe como adulto nan no ta homosexual mas. Berdad ta si Parlamento legalisa matrimonio di mesun sexo Pais Aruba ta declara cu e acto homosexual ta normal. Si gobierno considera e acto homosexual como normal mas hende lo experimenta cu practicanan homosexual. Berdad ta cu si hende uza e curpa humano contrario na su diseño y funcion esaki ta trece riesgonan pa salud. Den e practica di homosexualidad hende ta uza nan curpa contrario na su diseño y funcion. Berdad ta cu door di propaganda di e lobby homosexual tin parehanan heterosexual a cuminsa experimenta cu practicanan netamente homosexual. Esaki a conduci na un aumento significante di hende muhe cu tin problemanan di salud comparabel cu hombernan homosexual. Berdad ta cu si Parlamento declara cu homosexualidad ta normal anto den eseñansa nos ta obliga di siña nos muchanan cu esaki ta normal. Loke mayornan ta pensa di esaki no ta conta mas. Berdad ta cu homosexualidad no ta conforme naturalesa pasobra loke ta conforme naturlesa ta contribui riba manete e especie den existencia y mantene un bon calidad di bida. E berdad ta cu legalisa matrimonio di mesun sexo no ta contribui na manetene humanidad den existencia, tampoco e no ta contribui na mehora e calidad di bida di homosexualnan.

 

Na tur e Parlamentarionan cu a vota pa mantene matrimonio entre un homber y muhe den nos leynan, pueblo di Aruba ta gradici cada un di boso pa boso curashi pa para loke ta conforme e husticia di Dios. Dios mes lo recompensa boso sigur.

 

Iglesianan Cristian di Aruba

8 di juli 2024

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio