Amsterdam, Hulanda:
Hulanda a celebra en grandi cu e logro di ta den e semifinal di Copa Europa 2024. Diasabra anochi rond Hulanda por a mira tiramento di vuurwerk, pitamento di auto y hopi fiestamento, un celebracion grandi. Na Berlin tambe e naranjadonan a celebra nan victoria contra e ekipo di Turkia.
Den e cuidadnan manera Den Haag y Utrecht, e barnan y e pleinnan tabata diasabra anochi yen yen y por a scucha canticanan na Hulandes di popular di futbal. Na momento cu e ultimo fluit a zona y cu e partido di futbal a caba na fabor di Hulanda, e Fanaticonan di Oranje a cuminsa canta y baila te den oranan laat di anochi.
Normalmente na Utrecht por scucha hopi pitamento di auto despues cu e ekipo di Turkia na Hulanda hunga den wijk di Lombok y gana. Diasabra anochi, a tuma over e tradicion aki pero e biaha aki ta bandera Hulandes tabata pega na e autonan. Maske cu Turkia a perde, toch e Turconan Hulandes por a celebra cu e pais unda nan ta bibando a gana.
Tambe varios caminda na Hulanda mester a pone extra vigilancia di polis y te hasta cera entradanan di diferente barionan. Tambe na Rotterdam rond di e Fontein na Hofplein, e fanaticonan di e team di Hulanda a celebra en grandi.
