Home Β» π˜”π˜ͺ𝘯π˜ͺ𝘴𝘡𝘦𝘳 π˜‹π˜’π˜―π˜¨π˜Άπ˜ͺ π˜–π˜₯𝘢𝘣𝘦𝘳 π—˜π— π—•π—˜π—¬π—˜π—–π—œπ— π—˜π—‘π—§π—’ π——π—œ π—˜π—”π—šπ—Ÿπ—˜ π—•π—˜π—”π—–π—› 𝗦𝗧π—₯π—œπ—£ 𝗧𝗔 π—–π—’π—‘π—§π—œπ—‘π—¨π—” 𝗖𝗨 π—£π—Ÿπ—”π—‘π—§π—”π—–π—œπ—’π—‘ π——π—œ 𝗠𝗔𝗧𝗔𝗑𝗔𝗑 π—Ÿπ—’π—–π—”π—Ÿ 𝗣𝗔 𝗧π—₯π—˜π—–π—˜ 𝗠𝗔𝗦 𝗦𝗒𝗠𝗕π—₯𝗔 𝗣𝗔 𝗑𝗒𝗦 π—Ÿπ—’π—–π—”π—Ÿ 𝗬 𝗧𝗨π—₯π—œπ—¦π—§π—”π—‘π—”π—‘.Β 

π˜”π˜ͺ𝘯π˜ͺ𝘴𝘡𝘦𝘳 π˜‹π˜’π˜―π˜¨π˜Άπ˜ͺ π˜–π˜₯𝘢𝘣𝘦𝘳 π—˜π— π—•π—˜π—¬π—˜π—–π—œπ— π—˜π—‘π—§π—’ π——π—œ π—˜π—”π—šπ—Ÿπ—˜ π—•π—˜π—”π—–π—› 𝗦𝗧π—₯π—œπ—£ 𝗧𝗔 π—–π—’π—‘π—§π—œπ—‘π—¨π—” 𝗖𝗨 π—£π—Ÿπ—”π—‘π—§π—”π—–π—œπ—’π—‘ π——π—œ 𝗠𝗔𝗧𝗔𝗑𝗔𝗑 π—Ÿπ—’π—–π—”π—Ÿ 𝗣𝗔 𝗧π—₯π—˜π—–π—˜ 𝗠𝗔𝗦 𝗦𝗒𝗠𝗕π—₯𝗔 𝗣𝗔 𝗑𝗒𝗦 π—Ÿπ—’π—–π—”π—Ÿ 𝗬 𝗧𝗨π—₯π—œπ—¦π—§π—”π—‘π—”π—‘.Β 

by Admin
0 comment 87 views

 

ORANJESTAD – Diamars mainta Minister di Turismo y Salud Publico sr. Dangui Oduber a bishita Eagle Beach pa wak e progreso di e proyecto pa embeyece e strip di Eagle Beach. Un bunita bista danki na plantamento di matanan local pa asina trece mas sombra y ambiente tropical pa nos local y turistanan. E proyecto aki ta core for di e retonde di Amsterdam Manor te cu e retonde di Alhambra.Β 

Minister Dangui Oduber ta contento con e avance di e proyecto aki ta canando. Un proyecto cu ta un colaboracion entre Tourism Product Enhancement Fund (TPEF), Aruba Tourism Authority (ATA) y DOW cual ta supervisando e trabounan. E proyecto aki di β€œbeautification” ta den su fasenan final unda ta embeyece henter e strip di Eagle Beach den cuadro di e mehoracion di nos producto Aruba. Pa duna un experiencia mas agradabel ora di warda pa coi un bus, awo lo tin sombra pa nos bishitantenan y nos localnan door di mata di Aruba, na luga di concret.

Finalmente Minister Dangui Oduber ta sumamente contento cu e colaboracion di tur β€œpartners” cu ta haciendo e proyecto aki bira un realidad y cu e vision di Ministerio di Turismo ta pa proyecto aki trece un uniformidad y ambiente agradabel y structura pa tur cu ta cana, core of haci deporte den e area aki.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio