118
Boca Catalina – Diahuebs mainta rond di 9’or y mey alarma a wordo bati pa un persona cu lo a hay’e cu problema den lama na Boca Catalina.
Esnan cu tawata cu e cabayero a sake for di awa y segun nos a compronde lo a cuminsa cu CPR, wardando ariba ambulance.
Dos ambulance a presenta, y segun nos a compronde di Sra.Rasmijn cu ta vocero di polis Paramediconan a haci nan maximo esfuerso pero lamentabelmente e persona ta fayece.
Ta trata di Lodrico Briesen(59) naci september 4 1964 y segun nos a compronde tawata bezig ta train algun hoben atleta pa un Triathlon. E lo tawata sinti malo parse caba.
Famianan cu a yega tawata kibra pa e perdida aki.
Nos kier manda palabranan di condolencia na famia di e fayecido.
