Partido di Pueblo Arubano (AVP) tin un candidato nobo. E hoben talentoso y stima den e comunidad di San Nicolas Chris James, a anuncia su candidatura oficial y su participacion na e lista di AVP pa e eleccion binidero. Diasabra ultimo, 29 di Juni 2024 Partido AVP a anuncia cu e lo conta cu un un hoben prometedor di San Nicolas pa asina bay cambia e situacion di precupacion cu ta biba den nos comunidad pa un Pais unda tin prosperidad y felicidad atrobe. Chris James a cana den bario di San Nicolaas y a scucha e dolornan cu ta biba den nos comunidad. Chris James a enfatisa cu nos comunidad ta precupa cu placa no ta yega, cu gastonan di utilidad a aumento exorbitantemente, pensionado nan ta sufriendo, cu empresa mediano y chikito na San Nicolaas no tin perspectiva y cu Gabinete Wever-Croes no tin un vision integral pa San Nicolaas. Chris James a compara Aruba cu un barco sin destino bao di maneho di Gabinete Wever-Croes y a conclui cu “the ship is sinking”. Chris James a sinti e yamada pa no laga su bario ni su Pais keda den abismo pero a uni su mes na partido AVP pa asina trece alivio y solucion pa e problema nan urgente den nos comunidad.
San Nicolas deserves nothing but the best
Chris James como un hoben lanta den e bario di San Nicolas tin un pasion pa mira su bario progesa y conoce un desaroyo sostenibel. E sufrimento y falta di perspectiva pariba di brug ta hopi precupante. Chris James a anuncia cu e ta desea di uni su mes na e lucha pa representa San Nicolas y Aruba henter. San Nicolas tin hopi potential cu ainda no a wordo explora, y ta e intention di Chris James pa cambia e condicion nan na San Nicolas pa garantisa cu mas empresa y enterpreneurs por establece nan mes na San Nicolas y tambe bin cu un plan pa precura cu esnan estableci na San Nicolaas por tin perspectiva. Chris James a expresa su amor pa su bario cu SAN NICOLAS TA UNICO y merece lo mih. San Nicolas merece miho perspectiva, miho negoshi y miho oportunidad pa es motibo Chris James ta uni su mes na AVP pa duna contenido na Plan nobo pa San Nicolaas.
AVP pa un miho futuro
Chris James a reconoce cu e vision di AVP a cambia Aruba positivamente y a mencion cu e la cana y bataya banda di Mike de Meza cu a bringa incansabel pa San Nicolas. Su motivacion pa sostene e vision di Partido AVP ta e deseo pa mira un miho futuro pa Aruba! Chris James a menciona e plan di action di 10 punto di Partido AVP di cual ta indica cu lo bay aumenta e pension substancialmente. E candidato nobo a menciona cu Aruba mester di inversion urgente. Y ta mencion a proposicion pa cambia e debe di pandemia COVID den un fundo di invesion pa Aruba pa asina inverti den educacion, deporte y problema nan social. Pa esaki por sosode Chris James a remarca cu nos mester inverti den mehora e relacionan den reino pa asina nos por efectua e proposicion di conversion di e debe di covid den un fondo di inversion pa Aruba. Chris James ta convenci cu Partido AVP tin un plan pa e Barco cu yama Aruba por sigui nabega den direccion di properidad y felicidad pa tur cuidadano di ta biba na Aruba. Chris James den un tono emocional a yama lider di Partido AVP mr. Mike Eman dilanti, pa asina expresa e confiansa cu e tin di e lider di Partido AVP mr. Mike Eman pa bay guia Aruba, cual ta un di su motivacion nan pa a uni su mes na Partido AVP como candidato activo. Chris James a subraya cu “This Ship needs a leader and that leader we say a Captian who are able to navigate this Island to a greater living and future for Aruba and that Captain is Mike Eman”.
Lider di Partido mr. Mike Eman ta hopi content cu e candidatura di Chris James. Lider di Partido Mike Eman a yama bon bini na Chris James cu un reconocemento pa su Curashi y balentia pa lucha pa e Bon Comun di su Bario San Nicolaas pero tambe di Aruba. Mike Eman a remarca cu Chris James a demostra esaki den e lucha pa mantene John Wesley Mavo habri, despues cu Gabinete Wever-Croes a sera esaki. Chris James a lidera e lucha aki demostrando su curason pa para pa locual ta husto y para pa locual ta e bon comun di Pais Aruba. Lider di Partido a confirma cu Aruba mester di un Captain pero tambe un Crew, ilustrando cu Partido AVP ta trahando ariba un plan y team pa asina por cambio e realidad penoso cu nos Pais ta pasando aden na man di Gabinete Wever-Croes. Chris James a clausura e anochi cu un compromiso cu Aruba pa logra realisa un “healthy living” , un calidad di bida sano pa tur nos cuidadanonan.