Home » Homber ta perde su bida na pia di trabou, na momento cu e tabata cortando mata, a mishi cu wayanan di coriente

Homber ta perde su bida na pia di trabou, na momento cu e tabata cortando mata, a mishi cu wayanan di coriente

by Admin
0 comment 165 views

Avenida Nelson O. Oduber( Sasaki): Diamars algo prome cu 9’or di mainta, un homber cu ta traha cu un compania priva di corta mata, tabata cortando mata riba e caminda di ex House of Cheng bay zuid (pariba di Bubali Plas), na dado momento e lo a touch e wayanan di coriente y cu consecuencia fatal pa su persona.

E coriente di e wayanan di Elmar a dal e homber y su situacion tabata hopi critico, mesora a pidi pa presencia di polis, ambulance y tambe Elmar. Personal di Elmar a yega hopi lihe na e sitio y a cuminsa duna e homber CPR, mientras tabata wardando riba e yegada di ambulance, pero lamentabelmente na yegada di ambulance no por a haci nada mas pa e homber, e la fayece.

Na e sitio por a mira personal di D.O.W. y di Elmar,  tambe colega di e homber cu tabata man na cabes na momento cu a dune e mal noticia. Slachtofferhulp tambe a wordo pidi na e sitio.  E cortamento di mata cu ta stroba e wayanan ta keda un trabou peligroso, mirando cu e wayanan di coriente tin tension halto riba nan y lo ta bon pa D.O.W. cuminsa na kita tur mata cu ta crece cerca di e wayanan di coriente y laga solamente matanan cu no ta crece bira demasiado halto so cerca di e wayanan, esaki pa evita mas accidentenan fatal asina.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio