Home » Enfermera na Hospital Reina San Juan ta empleado di luna mei 

Enfermera na Hospital Reina San Juan ta empleado di luna mei 

Un colega hopi dedica cu amor pa tur pashent 

by Admin
0 comment 81 views

 

 

 

Enfermera Reina di departamento A4 tabata bezig ta regla algun cos pa su manager y djey nan dos a cana drenta e camber di reunion unda ela topa cu tur dos miembro di Hunta di Directiva, su famia y varios colega directo y indirecto yena cu animo den tema di Hawaii. Su cara  ful sorprendi paso e no a sospecha nada. Un sorpresa masha grandi cu a lag’e emociona. Un momento sigur inolvidabel y merecidamente unda cu a pone Reina den ‘spotlight’ pa tur e trabou ehemplar cu e ta eherce na HOH.  

 

Reina ta traha incansablemente pa su pashentnan. E ta switch facilmente entre diferente tareanan y semper ta yena di energia. E ta sumamente flexibel, talentoso y ta responde lihe riba trabounan cu tin cu wordo ehecuta. E ta dedica na duna servicio di calidad di un forma  cu solamente Reina por, semper cu respet pa su pashentnan sin importa con druk e por ta. Semper e ta para cla pa su pashentnan y ta keda profesional, calmo y positivo hasta den tempo di stress. 

E ta trece un toke unico y ta un inspiracion pa otro coleganan rond di dje. Reina ta un berdadera teamplayer sea cu e ta yuda coleganan directo of tambe di otro departamento. 

 

HOH ta impresiona cu su profundo experencia y conocemento di enfermeria. E ta bay ‘the extra mile’ pa yuda otro y su dedicacion pa ehecuta su trabou di nivel halto ta di admira. Semper e ta busca manera pa mehora e cuido y ta surpasa expectativanan. Su coleganan hasta mester cord’e pa tuma pauze cu ta demostra su empuhe enorme pa caba cu trabounan. “Reina ta mi man drechi; e ta traha cu hopi amor y mi por conta semper riba dje. Reina semper t’ey!”, su manager di cuido Jo-Anne Caster ta conta. 


Reina su dedicacion pa sigui tur protocol y percura pa e siguridad di pashent ta di admira. Claramente Reina a demostra di ta un colega ehemplar cu merece e tremendo reconocemento aki. Hunta di Directiva, management y coleganan ta hopi orguyoso di tin Reina como colega y henter team HOH ta spera cu e keda hopi mas aña cu nos. Masha pabien Reina!                

 

FIN

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio