37
Kudewecha – Diasabra marduga altura di veld di Kudawecha polis mester a yega cu urgencia eynan, debi cu auto a dal un persona.
Tawata despues di 1’or di marduga cu polis ta yega altura di un bar restaurant na Kudawecha, y ta topa cu un cabayero di edad cu fractura serio na pia. Mesora ta pidi ambulance cu urgencia.
E auto cu a dal’e tawata eynan, agentenan a realisa cu e chauffeur lo tawata bou influencia. Despues di sigui e proceduranan a bay over na detene y pidi transportwagen.
Paramediconan cu mientrastanto a yega a duna e peaton seriamente herida e asistencia necesario.
Mirando e impacto fuerte ariba e windshield di e Hyundai Tucson a pidi pa departamento di trafico pa presenta y haci nan debido investigacion.
