43
HATO – Diamars algo prome cu 11’or di anochi polis a bay pura ariba e caminda di HATO, unda cu un auto a ranca un palo di luz.
Na prome instante no tawata conoci si por tin hende herida.
Polis cu a yega a constata cu berdad tin un palo di luz colgando ariba caminda y den e greppel un Kia Picanto cu ta esun cu a dal e kibra.
Segun nos a compronde na e sitio cu ta trata di un turista, cu pa un of otro motibo a perde control y bay dal net contra un palo di luz y cay den e greppel.
ELMAR a wordo poni na altura y e caminda a keda cera pa un rato, debi cu un ora pa otro e palo di luz por a cay.
Danki Dios niun hende no a resulta herida.
