Home » Participacion exitoso di Aruba Bank na Seminario “Mi Poder Financiero”

Participacion exitoso di Aruba Bank na Seminario “Mi Poder Financiero”

by Admin
0 comment 93 views

Oranjestad, Aruba – 24 di juni 2024 – Aruba Bank ta contento di a participa den e seminario “Mi Poder Financiero” organisa pa Fundacion Plan di Bida Aruba, cu a tuma lugar na Renaissance Convention Center.

E evento a trece nos comunidad hunto pa siña tocante e aspecto nan esencial di un bon maneho financiero.

Fundacion Plan di Bida Aruba, a organisa e seminario aki pa promove un bon maneho financiero y duna solucion nan practico pa maneho di finansas. Nan programa ta inclui plan di presupuesto, di debe y arreglonan di pago pa duna sosten na e comunidad.

E seminario a conta cu participacion di diferente experto local, notario, realtor y profesionalnan legal. Aruba Bank a duna un presentacion tocante e paso nan pa yega na bo propio cas.

Participanten tabatin oportunidad pa bishita e “booth” di Aruba Bank pa informacion y conseho financiero personalisa tocante hipoteca.

Aruba Bank ta orguyoso di a participa den un evento cu ta promove bienestar financiero den nos comunidad.

Pa esnan cu no a logra asisti e seminario of cu tin mas pregunta tocante di hipoteca, por bishita e website www.arubabank.com.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio